كل ما يخص بنات والشباب

منوعات البنات والشباب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قصة بنات اصحاب واخوات مجانين ( كوميديا جدا ) الفصل التاسع عشر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

المساهمات : 76
تاريخ التسجيل : 21/04/2013
العمر : 24

مُساهمةموضوع: قصة بنات اصحاب واخوات مجانين ( كوميديا جدا ) الفصل التاسع عشر   الخميس سبتمبر 19, 2013 7:37 pm

الفصل التاسع عشر
بعد ما كلهم اعترفوا لبعض بحبهم تانى يوم
محمدخبط على بيت البنات بس هو كان الصبح الى فتحت شاهى وكانت لسة صاحية من النوم لبست طرحة بسرعة اى حاجة عشان تفتح وفتحت لقت محمد قدامها
شاهى:يا لهوى قصدى محمد انت ايه اللى جابك قصدى صباح الخير
محمد:ههههههههه ايه يا بنتى انتى مش على بعضك كدة بس ايه اللى عمل فيكى كدة كانك طالعة من اعصار
شاهى :يا سلام يا خويا انجز عايز ايه عشان عايزة انام تانى
محمد: ايه شغل البلطجية ده يا بنتى المهم انتى عسل فى كل حاجة على راى المثل الحلو حلو لو قام من النوم والوحش وحش لو غسل وشه كل يوم
شاهى اتكسفت :ايه يا محمد انت سخن ولا ايه مالك مهيس
محمد: عشان يعنى بمدح فيكى تقولى مهيس ماشى
شاهى:انجز جاى ليه
محمد:انتى عايزة تخلصى منى اوك بس انا جاى اعزمكوا كلوكوا على حفلة عيد ميلاد البت المفعوصة ندى
شاهى:بجد والله امتى
محمد:بكرة ان شاء الله فى النادى ال.......................
شاهى :خلاص اوك احنا كلنا جايين يلا بقى غور
محمد:طب استنى عايز اديلك حاجة خدى الظرف ده منى ليكى
شاهى:والله دا ايه بقى دا صدقة يعنى ماشى يا عم هات
مشى محمد وشاهى باصة للظرف وقلبها عمال يدق جامد
شاهى:مالى فى ايه قلبى بيدق كدة ليه ماشى لما افتح اشوف فى ايه فتحت شاهى الظرف لقت............ حقول بعدين
نروح بقى عند ندى
ندى :انت يا واد يا محمد قولت للشباب ولا ايه
محمد: اه قولت ليهم بس ايه واد دى ماشى حعديها ليكى دلوقتى عشان بكرة عيد ميلادك
ندى :بس ايه الظرف اللى كان معاك فى ايدك وانت رايح
محمد:انتى مالك يا حشرية ليكى دخل فيه
ندى:اوك يا محمد بس انت كدة كدة مفضوح ههههههههههه
محمد:يا سلام يا ختى ربنا يشفيكى يا كتكوتة
ندى:لا روح انت للكتكوتة بتاعتك وانا ابقى كويسة
محمد:الكتكوتة بتاعتى!!!!!!!
ندى :انت حا تستعبط ماشى حا اعديها لك
محمد فى سره (ايه دا انا مفضوح اوى كدة)
ودخل اوضته واخد شاور عشان ينزل يحضر لعيد ميلاد ندى
اتصلت مامت ندى ببقيت قرايبها عشان يجوا عيد ميلاد ندى
مامت ندى:ماشى يا سعاد حتيجى انتى وبناتك كلهم ماشى من زمان نفسى اشوفهم
سعاد(خالة ندى ):ماشى بس عملتى ايه فى الموضوع اللى انا قولت لك عليه
مامت ندى :انا قولت لابو محمد بس لسة ما قولناش لمحمد
سعاد:ليه يعنى هو ممكن ميوافقش !!!
مامت ندى:يلا قولى ان شاء الله الموضوع يتم على خير يلا سلام
نروح عند خالت محمد وندى(سعاد)
سعاد:يا بنتى ابن خالتك ما يتعايبش انتى ليه رافضة
بنت خالة ندى : بقولك ايه سيبينى فى حالى دلوقتى انا مش فايقالك امشى بقى
سعاد:ربنا يهديكى يا بنتى
محمد راح ظبط المكان بتاع الحفلة وجاب كل حاجة ندى محتاجاها عشان عيد الميلاد
نروح عند شاهى والبنات
مروة : بت يا شاهى مين اللى خبط علينا الصبح
شاهى سرحانة. ومش بترد عليها
مروة:ايه يا شاهى مالك تعبانة ولا ايه
شاهى:سيبينى دلوقتى يا مروة ربنا يخليكى
مروة:ماشى بس اول لما تهدى تعالى احكيلى مالك
شاهى :اه انا نسيت اقول لك عيد ميلاد ندى النهاردة وعازمينا كلنا
مروة :والله طيب حلو حروح اقول للبنات والشباب عشان نجهز
شاهى : ماشى
جه بليل كل البنات والشباب جهزوا عشان العيد ميلاد وركبوا كلهم العربيات وراحوا على النادى
البنات فى اليوم ده كانوا جمال جداً والشباب بردوا بس ندى اللى كانت حلوة خالص ماهو العيد ميلاد بتاعها
ابتدا العيد ميلاد وقعدوا يهيصوا لندى وغنولها happy birth day to you
المهم الناس هدت وشغلوا اغانى هاديه عشان الاكل
محمد:شاهى ممكن كلمة
شاهى :معلش يا محمد مش دلوقتى انا تعبانة
محمد اتعصب:يعنى انتى لوحدك اللى تعبانة لو سمحتى مش حاخد من وقتك دقيقة
شاهى :طيب يا محمد بس لو سمحت اهدى
راحت شاهى عشان تكلم محمد
محمد :ها فتحتى الظرف
شاهى باصة على محمد ومش بترد
محمد:فتحتى ولا ايه وقوليلى لو انتى رايك لا انا ححترم رايك
شاهى :محمد انت مش حاسس بيا مش مقدر فرحتى لما فتحت الظرف ولقيت اعترافك ليا بحبك بس انا خايفة
محمد:خايفة ليه
شاهى :خايفة ان انا كل حاجة حلوة فى حياتى بتروح منى فا انا مش عايزة اتجرح واعيط تانى لان انا عيطت كتير اوى
محمد:التفكير دا غلط على فكرة لان لو كل حد فكر انوا فقر وكل حاجة حلوة حتروح منه بسهولة يبقى مفيش حد حيفرح وحيعيش
شاهى :انا عارفة يا محمد ومن بعد وفاة ماما كمان بقيت باردة اوى هههههههههه
محمد:افهم. من الضحكة دى ان انتى بتردى عليا ب(وانا كمان بحبك)
شاهى :عيطت اه وقعدت تضحك
محمد:يا حول الله يارب ايه يا بنتى انتى مجنونة ولا ايه هههههههه
شاهى ضربت محمد على كتفه وقالت له طب يلا بدل ما اغير رائ يلا
محمد:لا ياختى يلا
وكل دا وهما بيتكلموا وفى عيون عمالة بتراقبهم
يا ترا مين اللى كان بيراقبهم وليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://esraa150.ahlamontada.com
 
قصة بنات اصحاب واخوات مجانين ( كوميديا جدا ) الفصل التاسع عشر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كل ما يخص بنات والشباب  :: كلام بنات والشباب :: كلام اسرار بنات-
انتقل الى: