كل ما يخص بنات والشباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كل ما يخص بنات والشباب

منوعات البنات والشباب
 
الرئيسيةأحدث الصورالتسجيلدخول

 

 قصة بنات اصحاب واخوات مجانين ( كوميديا جدا ) الفصل الثالث عشر

اذهب الى الأسفل 
كاتب الموضوعرسالة
Admin
Admin
Admin


المساهمات : 76
تاريخ التسجيل : 21/04/2013
العمر : 31

قصة بنات اصحاب واخوات مجانين ( كوميديا جدا ) الفصل الثالث عشر Empty
مُساهمةموضوع: قصة بنات اصحاب واخوات مجانين ( كوميديا جدا ) الفصل الثالث عشر   قصة بنات اصحاب واخوات مجانين ( كوميديا جدا ) الفصل الثالث عشر Emptyالخميس سبتمبر 19, 2013 6:30 pm

فصل الثالث عشر
__________
وصلنا لحد ما دخل على شاهى وهى بتكلم ندى ومحمد ..دخل عليها صافي فاكرنها ؟؟ صحبتها ما هو شاهى وصافى اصحاب من الحضانة بردوا ودخلوا كلية هندسة مع بعض وشاهى يعتبر يعتبر ملهاش صحاب غير ياسمين وصافى لانهم اصحابها من زمان ومحجبين كلهم وقمرات ودمهم خفيف وصافى وياسمين دايماً بيروحوا لشاهى وهى بتروحلهم
____________________
صافى وياسو : وتاتاتاترارارا وآآآآآآآة يا ليييييييييل ايه يعنى غرامك ..
شاهى : هووش اسكتوا
ياسو "بصوت واطى جداً" : مين الموز دة يا بت
صافى " بنفس نبرة الصوت " : ايوة ايوة مين هاا ؟؟ من امتى بتعرفى اشكال نضيفة انتى كدة
شاهى : اتلمووو .. تعالوا هعرفكوا عليه
شاهى : محمددد انت يا عم روحت فين ؟؟
محمد : لا معاكى بس حدفت الشبشب على ندى وكنت بقفل البلكونة قبل ما تيجى تقتلنى هع هع هع
شاهى : هههههه الله يرحمك طب مش كنت تقولى قبل ماتعمل كدة الحق اجهز القهوة ؟؟
محمد : قهوة !! لية ؟؟
شاهى : ماهى هتيجى تدفنك دلوقتى
محمد : على رأيك مش بعيدة والله مجنونة وتعملها
شاهى : اعرفك بقا على اصحابى من زومان من الحضانة دى صافيناز ودى ياسمين
ياسو وصافى : ايوة هو احنا ياسمين وصاافينااااااز
محمد : انتوا نفس كلية شاهى وكليتى هندسة ؟؟
صافى : ايون انت فى سنة كام ؟؟
محمد : انا فى تالتة .. ياللللهوى "وبرق"
شاهى : اية فى اية ؟؟؟
محمد : الحقى ندى جاية ورابطة دماغها وماسكة السكينة دى هتقتلنى بجد المجنونة خبينى خبينى
"ياسمين وصافى كانو واقعين من الضحك"
شاهى : ههههههههههه ياعينى عليك كنت طيب والله
"وهنا دخلت ندى "
ندى : مين دة اللى طيب
شاهى : د..
"قاطعتها ندى "
ندى : ما علينا .. محمد بقا انت قد الحركة دى ؟؟؟؟
"التلت بنات طبعاً بيتفرجوا ع ندى وشكلها طبعاً المضحك جداً كانت رابطة دماغها وماسكة السكينة "
محمد : حركة اية بس يا بنتى ؟؟ وابعدى السكينة دى شوية
ندى : لا مش ببعد انا سكاكين وانزل جبلى شيكولاتة جلاكسى احسن همسكك اعلقك على باب البلكونة واشرحك
محمد : مش عارف انا امى مخلفة جزار
ندى : بتبرطم بتقول اية يالا انت
محمد : هو على اساس انى لو ببرطم هقولك يعنى ؟؟
"ندى برقتلة"
محمد : سلامو عليكو يا جماعة هنزل اجبها اى حاجة من تحت .. بقولك يا ندى ماتيجى معايا اتوهك هنا فى المنطقة واخلص منك هع هع هع
ندى "بتهرش فى دماغها " : بتقول حاجة يا محمد ؟؟
محمد : بقول حاضر من عنيا عايزة حاجة تانى غير الشيكولاتة ؟؟
ندى : لا غور بقا
محمد : سـلام يا شـ
شاهى : اية دة تعالى يا حمادة انت وعبدة وانجى ومروة وهند و سيف تعالوا هعرفكوا على جارنا الجديد هو واختوا
عبدة : اهلاً
محمد : بيك
احمد : وسهلاً
محمد : اتشرفت بيك
سيف : الشرف لينا احنا
عبدة : لا يا جماعة مينفعش انت يا محمد تجيلنا فى شقتنا اللى تحت ونتعرف على بعض كدة
محمد : اكيد ان شاء الله كمان انا معرفش حد هنا
ندى : احممم احمممم
محمد : عايزة اية يا مضروبة
ندى : فين الشيكولاتة ؟؟
عبدة : اية يا بنتى دة التشرد دة انتى اسمك اية
ندى : وانت مالك
سيف : ههههههههه
أحمد : هههههههه اية دة مين دى يا محمد ؟؟
محمد : دى قدرى اختى ندى حزينة
ندى : محمدددددد انزل هات الشيكولاتة هشرحك قدام الناس عيب بردوا انزل يلا
محمد : نازل ياباى عليكى..على فكرة احتمال اجبلك بيرسول بدالو
شاهى : لا هاتلها سم فران بيرسول مبيأثرش
"ندى لسة هتنطق محمد طلع يجرى على تحت"
احمد وسيف وعبدة : احنا نازلين يا بنات عاوزين حاجة
صافى وياسمين : فى دااااهية
احمد : اتلمى يا بت بدل ماعورك انتى ناسية انى وعبدة معيد عندكم واحتمال اديكم كمان احنا عارفين طبعا
عبدة : ايووة واللى ييجى متاخر نوقفة فى اخر المدرج ويرفع ايدة
هند وانجى ومروة : هش بقا من هنا بقا
سيف : احنا بنتهزق يا رجالة
احمد : اممم شكلنا كدة
ندى : يا عيال ولا يستجرأ قولولى بس اللى يزعلكوا وانا هشرحوا
سيف : ماقولت نمشى بكرامتنا احسن
انجى : براااااااااااااااااااااااااااا
سيف :اجروووووووا
"وطلعوا يجروا كلهم ومحمد جه جايب شيكولاتات كتير اوى وشيبسيات "
ندى : اية دة ميدو حبيبى كل دة ليا من امتى الكرم دة هع هع هع
محمد : لا مش ليكى انتى ليكى الشيكولاتة دى بس امشى من هنا بقا واطلعى اندهى ايمان وروميساء ووائل من فوق زمانهم خلصوا توديب الشقة
صافى وياسمين : احنا هنمشى بااى
الكل : باى
"صافى وياسمين مشيوا"
"ندى راحت جابت ايمان ووائل و روميساء"
ندى : انا هخش جوا جبتلك العيال اهم
ايمان : خشى يا بت جوا.. اية يا ميدو فى اية
وائل : اية يا حمو انت حايز مامى ليه
سوسو"روميساء" : اوف انا مث " مش " عارفة خالو ته "دة" منزلنا تووول الثلم ته ليه "كل السلم دة ليه "
" واتعودوا ع الكلام لانى مش هترجم كتير "
محمد : بس يا بت انتى واخوكى شايفة عيالك يا ايمان خدى جبتلهم الحاجات دى من تحت استنى هعرفك على جيرانا الجداد دى شاهى ودى انجى ودى مروة ودى هند وكان فيه صحابهم صافى وياسمين ومشيوا وبردوا كان فيه احمد وسيف وعبدالرحمن ومشيوا ودى يا بنات تبقا ايمان اختى ودول عيالها روميساء و وائل
وائل : اوباا البت دى اموولة "امورة " اووى "وشاور على هند "
هند : وانت عثوول خالص
وائل : مامى مامى انا بتعاتث "بتعاكس"
ايمان : هههههههه معلش يا هند هو لمض
هند : لا والله دة عسل
شاهى : وسوسو دى سكر
مروة : بقولك يا ايمو بما انك جديدة فى المنطقة بقا فخلاص اعتبرونا اهلكم بقا وكدة ماشى يا عم محمد
محمد : عالحيط
شاهى : ليه هو صرصار
روميساء "وهى حاطة ايدها فى وسطها" : خيال انا بقا هنا انساءالله
ايمان : لا انتوا زودتوها يلاا نطلع ننام .. واكيد يا مروة طبعاً
محمد : عن اذنكم انا كمان هخش انام
البنات : اوكى
" ودخل محمد وايمان وجت ندى "
ندى : يلاا يا بت منك ليها خشوا جواا معندناش بنات تقف فى بلكونات
البنات : حاضر يا ابلتشى
"ودخل البنات وندى طبعاً نضفت البلكونة وحرقت الاكل مع مامتها اقصد عملت الاكل مع مامتها ودخلت نامت "
ونتقابل فى البارت القادم ان شاء الله احسن انا تعبت بقا
الرجوع الى أعلى الصفحة اذهب الى الأسفل
https://esraa150.ahlamontada.com
 
قصة بنات اصحاب واخوات مجانين ( كوميديا جدا ) الفصل الثالث عشر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كل ما يخص بنات والشباب  :: كلام بنات والشباب :: كلام اسرار بنات-
انتقل الى: