كل ما يخص بنات والشباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كل ما يخص بنات والشباب

منوعات البنات والشباب
 
الرئيسيةأحدث الصورالتسجيلدخول

 

 قصة بنات اصحاب واخوات مجانين ( كوميديا جدا ) الفصل الثانى عشر

اذهب الى الأسفل 
كاتب الموضوعرسالة
Admin
Admin
Admin


المساهمات : 76
تاريخ التسجيل : 21/04/2013
العمر : 31

قصة بنات اصحاب واخوات مجانين ( كوميديا جدا ) الفصل الثانى عشر Empty
مُساهمةموضوع: قصة بنات اصحاب واخوات مجانين ( كوميديا جدا ) الفصل الثانى عشر   قصة بنات اصحاب واخوات مجانين ( كوميديا جدا ) الفصل الثانى عشر Emptyالخميس سبتمبر 19, 2013 6:25 pm

الفصل الثانى عشر

وصلنا الحلقة اللى فاتت لحد ما الباب خبط
______________
وشووووووووووية وحصل حاجة مهمة جداً جداً لقوا الباب بيخبط
انجى : ادخخخل
مروة بصدمة : انتى تااااااااانى اية اللى جابك هنا انتى عايزة اية بقا سيبينا فى حالنا حرام عليكى حرام عليكى بقا يا سااااااالى
سالى "برخامة" : هاهاها مالك يا جميل اول ما شوفتينى اتعصبتى هو انا عملتلك حاجة
"هند كانت نايمة عشان الحقنة اللى الدكتور ادهالها"
انجى : انتى عايزة مننا اية اطلعى برااا براااااا
"هند صحيت على صوتهم"
سالى : كويس ان الامورة صحيت انا كنت جاية اقولها بس البقاء لله وشدى حيلك
"هند كانت عمالة تعيط جامد اوى وانجى صعبت عليها هند "
انجى : اطلعى براا بقولك اطلعى برا انتى معندكيش دم معندكيش كرام ولا اخلاق انتى اكيد مش انسانة بقولك براااااااااااااااا " وقامت زقتها برا باب القوضة وقفلت الباب"
سالى فى سرها
"والله لوريكوا وراكوا وراكوا والزمن طويل هاهاهاها"
نرجع تانى جوا القوضة
"هند عمالة تعيط بحرقة اوى"
هند فى سرها
"ياااااارب ياااااارب قوينى علشان خاطر شاهى وأحمد ..انا حبيتوا بجد شاهى دلوقتى ملهاش غيرى انا لازم اتكلم عشان اخفف عنها لازم هما كلهم بيخففوا عنا ان شاء الله انا هتكلم دلوقتى وهحسن من حالى انا كويسة انا كويسة .. انا بضحك على نفسى انا مدمرة ..لا لازم اقوم وابقا كويسة دى عمرها ما عملتنا حلو فى حياتنا سامحها يا رب سامحها الله يرحمها"
هند : انجى انجى
انجى : هند هند حبيبتى انتى بتتكلمى بجد وحشنى صووتك اوووى " وقامت اخدتها فى حضنها هند فعلاً كانت محتاجة انها تحس بحنان فضلت تعيط جامد فحضن انجى"
انجى : خلاص يا حبيبتى اهدى علشان اختك ربنا يرحمها ادعيلها بالمغفرة
هند : مروة فين أحمد ؟؟!
مروة : يااااااه يا هند اخيراً نطقتى تعبتينا معاكى اوى استنى انا هقولوا وهييجى علطول
انجى : تعالى يا هند عقبال ما مروة تكلم احمد ييجى هو وعبدة تعالى نتكلم مع شاهى يمكن نفسيتها تروق وتتحسن وتقوم
هند : آآآآآآآآآآة وحشانى اوى محتجالك اوى يا شاهى محتاجالك قوميلى قوميلى علشان خاطرى يا حبيبتى انا مش هحسسك بفقدان امك انا هبقا امك يا حبيبتى ربنا يرحمك يا امى
"شاهى بدأت تفتح عينها "
شاهى : امى !!!! امى !!!! دى ام ازاى انا زعلت عشان هى بس كانت امى لكن مش ام بمعنى الكلمة عمرها ما حبيتنا !! تخيلى يا انجى "وانجى وهند كانوا بيعيطوا من منظر شاهى وهى بتتكلم والدموع بتنزل من عينها زى الحجر شاهى كملت كلام "
شاهى : عمرى ماحسيت انها امى بجد عمرى ما حسيت بحنانها ربنا يسامحها اوعدينى يا هند اوعدينى انك هتفضلى معايا اوعدينى الف وعد اننا هنعيش ونموت لبعض انا من غيرك مكونتش اقدر اعيش
انجى : اهدى يا حبيبتى اهدى هند زيها زيك تعبانة يا حبيبتى اهدى
هند : خلاص يا شوشوو مش هتقومى عشان تعملى فينا مقالبك وبعدين عايزين ناخد عزا ماما صح يا حبيبتى دة واجب علينا انا هروح انده الدكتور ونخرج من المستشفى ماشى يا حبيبتى
شاهى : ماشى
انجى : لا خليكى انتى يا هند انا هقوم اشوفوا انا واشوف مروة
"وهنا دخلت مروة ومعاها الدكتور و أحمد و عبدة"
انجى : وفررررتى عليا المشوار
مروة : اى خدعـ..اية دة شوشووو حبيبى انتى فوقتى وحشانى يا قمر
"شاهى ابتسمت"
د/سيف : كويس كويس الحمدلله فيه تحسن كبير جداً
انجى فى سرها "الدكتور دة قمررر اوى يا خراشى دة انا من ساعة ما جيت وانا معجبة بيه وهو كمان واضح عليه كدة بس لالا يا بت يا انجى انتى دلوقتى اخوتك تعبانين ولازم تاخدى بالك منهم .. اخواتى ؟؟! ايوة هند وشاهى ومروة اخواتى انا بعتبرهم اخواتى بجد خلاص انا لو الدكتور دة اتقدملى هتقل شوية او حتى لو كلمنى وبعدين ابقا اوافق"
د/سيف : اتفضلوا اذن الخرج اهو استاذ احمد واستاذة انجى ممكن دقيقة عندى فى المكتب
انجى واحمد بتعجب : اوك
وراحو المكتب
د/سيف : انا عارف يا استاذ احمد ان اللى بقولوا دة مش فى وقتة المناسب بس انا معجب بأنسة انجى وعايز اجى اتقدملها ودة رقمى اهو فى الوقت اللى اتحددوا انا هاجى
أحمد : ماشى يا دكتور عن اذنك يلا يا انجى
انجى : يلاا يا حمااادة
_______________
سيف : دكتور زى القمر عنيه عسلى فاتح ومتوسط الطول وشعرة عسلى فاتح وعندة 24 سنة
________________
وراحوا القوضة
هند وشاهى ومروة وعبدة : فييييه اية ؟؟!
انجى : متطفليييييين اوووووى
أحمد : اوى اووووووووى ياختى
أحمد : اقول يا انوووش ولا انتى بتتكسفى زى البنات لسمح الله
انجى : اتلم وبعدين قول الله منا كدة كدة كنت هقووووووول
أحمد : طويب يا جماعة...انجى انجى انجى
مروة : ماتنطق يا جدع
عبدة : ماتنطق يا جدع قبل ماتغزك
أحمد : انجى متقدملها دكتور سيف
"شاهى قامت نطت من ع سرير"
شاهى : بجد بجد بجد هييييييه والله فرحتلك مبروك يا انوووش وافقى بقا احسن دة موووووووز بس انا كدة اللى هفضل عزووووول وسطيكوا وااااااااااااء اخرج معاكوا ازاى انا بقا
انجى : اقعدى بس الاول كدة واناا هفهمك .. بصى يا ستى انا لسة موافقتش بس ناوية اوافق ان شاء الله بس مش دلوقتى خالص بعد ما يعدى الاربعين بعدين هوافق ونعمل الخطوبة السنة الجاية وبعد مخلص الفرح " افتكروا انى قولتلكم ان مروة وهند فى تالتة جامعة وشاهى فى 2 ثانوى متنسوش واحمد مخلص وعبد الرحمن فى اخر سنة"
شاهى : عارفة عشان الظروف اللى احنا فيها دى كنت زغرطت
هند : وانا كمان
مروة : وانا كمان
أحمد وعبدة : لولولولولوللى
الكل : هههههههههه
هند : استرجلوا يا عيال كدة
أحمد : استرجلوا وعيال احنا بنتهرزأ يا معلم
شاهى : بجد انا مش عارفة من غيركم كنت هعمل اية ولا هبقا ازاى
"وعنيها دمعت"
عبدة "حب يلطف الجو " : وانا مش انااااااااااااااااااا
مروة : انت مين يا عم صلاح ؟؟
انجى : براااا يلااااااا انت وهووو
أحمد : اجرررررررى يلاا
عبدة : زق عجلك ورايا يا معلم
وبعد ماخرجوا
انجى : برعبهم انا
مروة : عايزة اقلكم على حاجة وبعدين نقوم نحضر نفسنا عشان نخرج اوك ؟؟
شاهى وهند وانجى : اوك
مروة : فاكرين المفجأتين اللى كنت قايلالكم عليها يا هند انتى وشاهى ؟؟
هند وشاهى : آآآة
مروة : انتى خلاص يا انجى بعد كدة هتقعدى معانا علطول صح ؟؟
انجى "وهى بتاكل عنب " : اية..اة اة ايووووون صح
مروة : المفجأة الاولى ان بعد الاربعين بتاع مامتك يا هند بشهر هتبقا خطوبتك انتى واحمد اللى يبقا اخويا دهوون والتانية ان انا كمان نقلت حاجتى وهقعد معاكم فى الشقة علطول
انجى : لولولولوللى
هند وشاهى : يسسسسسسس
مروة : بصوا انا اتصلت بماما عشان كدة اتاخرت برا قولتلها تجيب سامية وهناخد احنا الشقة اللى فوق مش اللى قدامنا وعبدة واحمد اللى تحت علشان اللى تحت فيها قوضتين كل قوضة فيها سرير واحد بس لكن اللى فوق فيها قوضة فيها 4 سراير و 4 دواليب وكدة وحمامين اشطات هى سامية الشغالة وماما دلوقتى بيظبطولنا الشقق
هند : ماشى واحمد عرف ؟؟
انجى : اة
شاهى : يعنى انتى عارفة يا انجى
انجى : اة
هند : اتفوو عليكى يلاا نروح بقا
الكل : يلا
وقاموا وروحوا وناموا وصحيوا وناموا وصحيوا واخدوا العزا والاربعين يوم عدوا وانجى وافقت على دكتور سيف وهند اجلت الخطوبة بتاعتها ودلوقتى هند ومروة وانجى فى اخر سنة فى الكلية وشاهى فى اول سنة شاهى دخلت هندسة زيهم واحمد بقا معيد عندهم فى الكلية هو وعبدة وسالى اختفت من ساعة ما راحت لهند المستشفى مختفية بقالها كتير جداً لدرجة انهم نسيووها هى وزيزى ؟؟! انا مقلتلكوش ان زيزى بقت بتحب يوسف اللى مش كويس واتعدلوا وبعدها سالى اختفت
وفى يوم كلهم متجمعين فى شقة مامتهم
الام : هند انتى اخر سنة ليكى دى بقا فى اجازة التيرم اللى بعد اسبوع دى هنعمل خطوبتك انتى واحمد وبعدها باسبوع سيف وانجى وبعدها باسبوع مروة وعبدة
سيف وانجى : موافقون
احمد وهند : موافقون
مروة وعبدة : موافقون
شاهى : اهئ اهئ اهئ انا رايحة اقف فى البلكونة ماهو انا العانس اللى فيكوا بقا وااااااااااء
الكل : هههههههه
وقعدوا يتكلموا تعالوا بقا نشوف شاهى بتعمل اية فى البلكونة
شاهى : اية دة اية دة الشقة اللى جمبنا سكنت " وبعدين تنحت اصل فيه واد مووووووز وقف فى البلكونة "
الولد : احم احم انتوا جيرانا بقا
شاهى : ها ؟؟ اة اة احنا جيرانكوا انتوا لسة جايين جداد هنا فى العمارة صح ؟؟
الولد : انتى شايفة اية ؟؟
شاهى : ههههههههههه
"على فكرة يا جماعة شاهى اتحجبت من ساعة ما هند قالتلها فاكرين ؟؟ بقت امورة اوى فى الحجاب اكتر من الاول "
الولد فى سرة "الله دى امورة اوى وباين عليها محترمة اوى شكلنا هنبقا اصحاب"
الولد : انتى اسمك اية ؟؟
شاهى : انا شاهيناز وبيقولولى شاهى وانت ؟؟
الولد : وانا محمد فى 3 كلية هندسة وانتى ؟؟
شاهى : انا فى اولى يا معلم
محمد : اوكى يا اوختشى هيهيهيهيهي"ملحوظة محمد قمور جداً جداً"
شاهى : زغرطى يا منحرفة
محمد : لولولوللى
وهنا دخلت اخت محمد الصغيرة اعرفكوا بقا عليها
_________________
ندى : بت روشة جداً مش قمورة اوى دمها خفيف وبتحب ترخم على محمد رخامة السنين وكلامها اكبر من سنها عندها 12 سنة وفى 6 ابتدائى وليها اختها الكبيرة خالص ايمان
ايمان : اخت محمد ومتجوزة ومخلفة وائل وروميساء وساكنة فى الشقة اللى فوقيهم
____________________
وهنا ندى دخلت
ندى : ولا يا محمد انت يلاااااا " وبعدين بصت على شاهى وصفرت "
ندى : مين المزة دى يا برنس من امتى بتعرف اشكال نضيفة كدة " وداست على رجلوا جامد عشان يرد عليها "
محمد : آآآآآآآآآآآآآة رجلى رجلى يا مفترية متتعرفى عليها وانا مالى انا الله
ندى : طويب طويب متزقش وسع كدة بقا " وزقتة وراها "
ملحوظة "شاهى كانت فى شقة البنات فوق وبلكونة قوضة محمد لزقة فى بلكونة قوضتهم وممكن يسلموا على بعض بالايد وكلوا "
شاهى : هههههههههه انتى زى العسل انتى تقربى لمحمد
ندى : نعععععععم ياختشى وانت تعرفى الواد دة منين ؟؟
شاهى : لسة عارفاه حالاً يا ابلتشى انا شاهى فى اولى جامعة وانتى بقا
ندى وهى بتمد ايدها عشان تسلم : وانا ندى 12 سنة فى 6 ابتدائى
شاهى : بس تعرفى اللى يشوفك يقول عليكى اكبر من طريقة كلامك وشكلك كمان اكبر من سنك
ندى : شكلنا هنبقا اصحاب لو الولا دة زعلك قوليلى
محمد : نعععععم ياختى غورى يا بت جوا بدل ما هضربك
ندى : طيييييييييب
ودخلت ندى ملت كيس مية وجت وحطتوا ع كرسى وقالت لمحمد
ندى : ميدو حبيبى حبيب الهارتى انت اقعد وانت بتكلم البت شاهى علشان رجلك متوجعكش
محمد بشك : طيب مع انى مش متعود ع الحنية دى
واول ما قعد بووووووم الكيس فرقع وضهرة كلوا مييييية
محمد : ندددددددددى انتى ياااااا والله منا سايبك " وطلع يجرى وراها
شاهى : هههههههههههههههه
محمد : يالللللللهوى انا سبت شاهى واقفة اما اروحلها
محمد : اسف بس البت دى علطول مجننانى كدة
وهنا دخل على شااااااهى .............................................
تفتكروا مين هااا مين ؟؟
الرجوع الى أعلى الصفحة اذهب الى الأسفل
https://esraa150.ahlamontada.com
 
قصة بنات اصحاب واخوات مجانين ( كوميديا جدا ) الفصل الثانى عشر
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصة بنات اصحاب واخوات مجانين ( كوميديا جدا ) الفصل الرابع عشر
» قصة بنات اصحاب واخوات مجانين ( كوميديا جدا ) الفصل الخامس عشر
» قصة بنات اصحاب واخوات مجانين ( كوميديا جدا ) الفصل السادس عشر
» قصة بنات اصحاب واخوات مجانين ( كوميديا جدا ) الفصل السابع عشر
» قصة بنات اصحاب واخوات مجانين ( كوميديا جدا ) الفصل الثامن عشر

صلاحيات هذا المنتدى:لاتستطيع الرد على المواضيع في هذا المنتدى
كل ما يخص بنات والشباب  :: كلام بنات والشباب :: كلام اسرار بنات-
انتقل الى: